Bockufmüsig
von Christian Oggier
Spil beginn, Spil vorwärts Marsch
Vil Gebimm, mit vil Härz und Courage
Im Takt fanä lüttuschtu Tamburä
Stampft där Rhythmus schini Spurä
Durch di Gässjini und ubär z’Fäld
Bis zu dä gspässigu Lit im Zält
Bigleitut fanä Bäss und dä Posunä
Färleituts du Jazz uf alli Bühnä
Ä gäbig güetä Grüess fa Jetro Tull
Gäbund d’Flötä am Füess fam Letschutal
D’Saxophon und die Clarinett
Waxund scho ihru Bajonett
Zum Astimmu famä schönu Sonett
Und nisch z’Färschonu vor dä Majorett
Zig Wänd bäbund bim ärklingu fa denä Trompetä
Big Bänds läbund äbu fär immär, nit wiä Tapetä
Z’Barito und z’Horu – jedä Takt – gspirrund schus
Hittu und Moru - jedä Tag - spilundsch Blues
Bim Züelosu fa allä ischu Instrumänti
Chämund d’letschu Zwiflundu färwändti
Eu jedä Bonzu und jedä Trampil
Im Spil fanär Lonza fa Gampil